ՄԱԿ նոր զեկույցի համաձայն՝ Գազայի հատվածը առաջիկա 5 տարիների ընթացքում կարող է անմարդաբնակ դառնալ, եթե իրավիճակը չբարելավվի։ Գազայի դեմ երեք ռազմական գործողություններն ու վերջին տարիների ընթացքում Իսրայելի շրջափակումը հանգեցրել են նրան, որ սոցիալ-տնտեսական շատ ցուցանիշներ ավելի վատ են, քան մոտ 50 տարի առաջ՝ նախքան Իսրայելի կողմից տարածաշրջանը գրավելը։
ՄԱԿ Առեւտրի եւ զարգացման կոնֆերանսի հրապարակած փաստաթղթում ասվում է, որ Գազայի հատվածի շատ բնակիչներ տառապում են թերսնուցումից, չունեն մաքուր ջուր եւ էլեկտրականություն, իսկ արտադրության ծավալներն ու գործարզկության մակարդակը անմխիթար վիճակում են, գրում է BBC-ի Ռուսական ծառայությունը։
ՄԱԿ-ում կարծում են, որ տարածաշրջանին կենսականորեն անհրաժեշտ է միջազգային օգնությունը, սակայն այն չի կարող պիտանի լինել երկարաժամկետ լուծման համար։