Հնդկաստանի ողջ տարածքում հայտարարված մեկօրյա համազգային գործադուլին մասնակցում է առնվազն 150 մլն մարդ։
Այս մասին հայտնում է ՏԱՍՍ-ը՝ վկայակոչելով ակցիայի կազմակերպիչ հանձնաժողովին։ Ակցիան կազմակերպել են երկրի խոշոր 10 արհմիությունները։
«Իրենց իրավունքների պաշտպանության համար ոտքի են կանգնել բանկային, արտադրության, շինարարության եւ հանքարդյունահանության ոլորտի առնվազն 150 մլն աշխատակիցներ»,- հայտարարել են հանձնաժողովի ներկայացուցիչները։
Զանգվածային ցույցերի պատճառ է դարձել 10 խոշոր արհմիությունների եւ կառավարության միջեւ ընթացող բանակցությունների տապալումը։ Արհմիությունները պահանջում են պահպանել աշխատանքի հիմնական օրենքներն ու վերանայել դրույքներն ու սակագները։