Հայաստանում քաղաքական դաշտը լյումպենացված է: Այս մասին սեպտեմբերի 2-ին լրագրողներին հայտնել է նախկին պատգամավոր, իրավաբան Վարդան Խաչատրյանը: Այս պայմաններում, հավելել է նա, պետք չէ նույնիսկ կարծել, թե սկսված խորհրդակցությունների ընթացքում իշխանական ուժը կսկսի լսել ուրիշների կարծիքները ՝ Սահմանադրական բարեփոխումների մասին:
Եթե այն կուսակցությունը, որն առաջ հանդես էր գալիս որպես հիմնական ընդդիմադիր ուժ, կարճ ժամանակում բերվեց հարմար ու չխանգարող կարգավիճակի, ապա դրանից հետո որեւէ բանի մասին խոսելն անիմաստ է, հավելել է նա: «Դրա համար էլ պետք չէ զարմանալ, որ նվազ կշիռ ունեցող ուժերի առաջարկներն առհասարակ հաշվի չառնվեն, եթե դրանք չհամընկնեն գործող իշխանությունների դիրքորոշման հետ »,- հայտարարել է Խաչատրյանը:
