ԵՏՄ-ին անդամակցությամբ Հայաստանի առջեւ հսկայական շուկա է բացվում. 170 մլն մարդ, որոնք բնակվում են Եվրասիական տնտեսական միության տարածքում: Այս մասին ՌԴ պաշտպանության նախարարության թիվ 21 միջնակարգ դպրոցի աշակերտների հետ հանդիպման ժամանակ հայտարարեց Հայաստանում Ռուսաստանի արտակարգ եւ լիազոր դեսպան Իվան Վոլինկինը:
«Այդ պատճառով հիմա Հայաստանը պետք է հարթի այն արտադրանքի արտադրությունը, որն ամենաշատն է հայտնի եւ որն ավելի մեծ պահանջարկ ունի ԵՏՄ անդամ մյուս պետություններում: Առաջին հերթին դա գյուղատնտեսական արտադրանքն է, որը լուրջ եւ հայտնի ապրանքանիշ է ԵՏՄ երկրների համար: Բացի այդ, նաեւ հսկայական զբոսաշրջային հնարավորություններ են բացվում: Շատ մարդիկ միջազգային տնտեսական ճգնաժամի ներկա պայմաններում հաճույքով Հայաստան կգան: Պարզապես չգիտեն, թե ինչ երկիր է սա: Հարկավոր է գովազդել Հայաստանը: Անձամբ ես չգիտեմ որեւէ մեկին, որը, այցելելով այս երկիր, դժգոհ մնա: Այստեղ հրաշալի ժողովուրդ է, հրաշալի մթնոլորտ, հրաշալի բնություն, հրաշալի ճարտարապետական հուշարձաններ: Բացի այդ, Հայաստանի քաղաքացիների համար դյուրացվում է աշխատանքային միգրացիայի ռեժիմը, ինչը նույնպես պակաս կարեւոր չէ Հայաստանի բյուջեի եւ երկրում նորմալ կենսամակարդակ ապահովելու համար»,- հայտարարեց դեսպանը:
