ԵԱՀԿ Մինսկի խմբի համանախագահները կողմերին բազմիցս կոչ են արել թուլացնել լարվածությունը եւ խստագույնս պահպանել հրադադարի ռեժիմը։ Այս մասին ԱՊԱ ադրբեջանական կայքի հետ զրույցում ասել է ԵԱՀԿ ՄԽ ամերիկացի համանախագահ Ջեյմս Ուորլիքը։

«Հայ-ադրբեջանական սահմանի երկայնքով զորքերի շփման գծում իրավիճակը երկար ժամանակ կայուն էր մնում»,- ասել է նա՝ պատասխանելով շփման գծում իրավիճակը սրվելու մասին հարցին։

Ուորլիքը հավելել է, որ միջնորդներն առաջարկում են միջոցներ ձեռնարկել վստահության ամրապնդման, հրադադարի ռեժիմի պահպանման եւ բանակցային գործընթացը շարունակելու պայմաններ ստեղծելու համար։