Եվրահանձնաժողովը պատրաստվում է քառակի մեծացնել փախստականների թիվը, որոնց նա ԵՄ անդամ երկրներին առաջարկել էր ընդունել եւ տեղաբաշխել իրար մեջ։

Այս մասին գրում է իսպանական El Pais-ը՝ վկայակոչելով իր աղբյուրները։

Ավելի վաղ Եվրահանձնաժողովը փորձում էր անդամների միջեւ բաժանել արդեն Իտալիայի եւ Հունաստանի տարածքում գտնվող 40 հազար փախստականներին եւ ԵՄ-ում չգտնվող, սակայն առաջիկա 2 տարում այնտեղ տեղափոխվել պատրաստվող եւս 20 հազար ներգաղթյալի։ Անդամ երկրները պատրաստվում էին հարցի քննարկմանը վերադառնալ դեկտեմբերին, գրում է «ՌԻԱ Նովոստի»-ն։

Այժմ, ինչպես հայտնում է թերթը, Եվրահանձնաժողովի նախագահ Ժան Կլոդ Յունկերը մտադիր է առաջարկել համաձայնության գալ նոր քվոտայի շոււրջ՝ ավելացնելով եւս 120 հազար փախստական։