Պղնձի գները ուրբաթօրյա սակարկությունների ընթացքում նախօրեին 3 շաբաթվա մեջ գրանցած առավելագույն ցուցանիշից հետո անկում են ապրել։ Այս մասին են վկայում սակարկությունների տվյալները։

Պղնձի դեկտեմբերյան ֆյուչերսները Comex բորսայում էժանացել են 1.13 տոկոսով եւ կազմել 2.36 դոլար մեկ ֆունտի դիմաց, գրում է «ՌԻԱ Նովոստի»-ն։

Լոնդոնի մետաղի բորսայում նախօրեի սակարկությունների արդյունքում եռամսյա կտրվածքով պղնձի մատակարարումների մեկ տոննայի գինն աճել էր 2.46 տոկոսով եւ կազմել 5246 դոլար մեկ տոննայի դիմաց, ալյումինի մեկ տոննան թանկացել էր 1.88 տոկոսով եւ կազմել 1630 դոլար, իսկ ցինկն էժանացել էր 0.41 տոկոսով՝ 1811 դոլար մեկ տոննայի դիմաց։