Հետազոտողները պնդում են. հումորի զգացում ունեցող տղամարդիկ կանանց գրավում են ոչ թե առանձնահատուկ խելքի, այլ այն պատճառով, որ կանայք կատակասեր երկրպագուներին թեթեւ եւ անկեղծ բնավորությամբ մարդ են համարում: Նոր հետազոտության արդյունքները հրապարակվել են Evolutionary Psychology ամսագրում:
Նախկինում համարվում էր, որ տղամարդու կատակներին կանանց ծիծաղով պատասխանը նաեւ նշանակում է, որ նրանք գնահատում են նրա սրամտությունը, հակառակ դեպքում՝ կատակը ծիծաղելի չէր լինի: Սակայն հոգեբանների անցկացրած երեք հետազոտությունները ցույց են տվել, որ այդպես չէ:
Ըստ Gazeta-ի, փորձերի արդյունքում, որոնք ներառել են սոցցանցերում անծանոթ տղամարդու էջի գնահատում, թեստ եւ հակառակ սեռի ներկայացուցչի հետ իրական շփում, պարզվել է, որ հումորն ու խելքը ոչ մի կապ չունեն միմյանց հետ:
Հետազոտողները հանգել են եզրակացության, որ հումորի զգացում ունեցող տղամարդկանց կանայք ընկալում են որպես թեթեւ եւ բաց բնավորություն ունեցող մարդու, իսկ նրանց հետ, որպես կանոն, ավելի դյուրին է հարաբերություններ կառուցել:
