Լիպեցկի երկաթուղային կայարանում ողբերգական դեպք է տեղի ունեցել: Չհասցնելով բարձրանալ վագոն՝ ծնունդով Հայաստանից տղամարդն ընկել է վագոնի տակ: Արդեն շարժման մեջ գտնվող գնացքը կտրել է նրա ոտքը: 47-ամյա տղամարդու կյանքը հրաշքով է հաջողվել փրկել:
Պարզվել է, որ տղամարդը չի պատրաստվել երթեւեկել գնացքով: Սակայն մի քիչ խմած եւ ուրախ տրամադրության մեջ լինելով՝ որոշել է առանց տոմսի ծով հասնել: Այդ պատճառով նա սպասել է՝ մինչեւ գնացքը շարժվի, եւ փորձել վագոն թռչել: Նրա ձեռքը, սակայն, սայթաքել է, եւ նա հայտնվել է վագոնի անիվների տակ:
Հետաքննությունը շարունակվում է: Սակայն որպես հիմնական վարկած քննիչները դիտարկում են դժբախտ պատահարը: Առայժմ մեքենավարների եւ ուղեկցորդների մեղքը չի բացահայտվել: