Audi ընկերությունը ներկայացրել է SQ5 «լիցքավորված» դիզելային ամենագնացի ավելի հզոր տարբերակ: Ամենագնացի նոր մոդիֆիկիցիայի անվանման մեջ կա plus նախդիրը:
V6 եռալիտր դիզելի ներարկման ճնշումն ավելացել է: Ագրեգատի օգտակար աշխատանքի գործակիցն աճել է մինչեւ 340 ձիաուժ ու 700 Հմ պտույտ: Սա 27 ձիաուժով ու 50 Նյուտոն/մետրով ավել է, քան սովորական SQ5-ինը:
Լիաքարշակ ամենագնացը՝ իր դասում առաջինը, որն ունի մարզական դիֆերենցիալ, տեղից մինչեւ 100 կմ /ժ արագություն է բացում 5.1 վայրկյանում՝ այսինքն նույնքան, որքան SQ5-ի սովորական տարբերակը: Առավելագույն արագությունը հարկադրաբար սահմանափակված է էլեկտրոնիկայով ՝ ժամում 250 կիլոմետրով, հայտնում է Motor -ը:
Audi SQ5 plus-ի հարյուր նմուշներ կստանան Audi exclusive selection macaw blue փաթեթը: Այն ներառում է կապույտ գույնի թափք, նույն գույն դեկորատիվ էլեմենտներ ՝ սրահում, նաեւ մարզական բազկաթոռներ:
SQ5 plus-ի գները Գերմանիայում սկսվում են 67 հազար 700 եվրոյից ՝ ինչը 1000 եվրոյով ավելի թանկ է «լիցքավորված» ամենագնացի սովորական մոդիֆիկացիայից: Audi exclusive selection macaw blue փաթեթի համար պետք կլինի վճարել եւս 12 հազար եվրո:
