ՀԱՊԿ ներկայացուցիչները դրական են գնահատում Հայաստանում «Շանթ 2015» զորավարժությունների ընթացքը։ Ինչպես NEWS.am-ի թղթակցի հետ զրույցում հայտարարեց ՀԱՊԿ քարտուղարության ներկայացուցիչ, պահեստային զորքերի գեներալ-մայոր Վալերի Կոլչինը, ավելի վաղ նրանք հետեւել են վարժանքների մի քանի դրվագներին, այդ թվում՝ Մատենադարանի եւ Ազգային պատկերասրահի ազգային ունեցվածքի տարհանման ընթացքին եւ ավտոմեքենաների շարասյան ձեւավորմանը։
«Ամեն բան կազմակերպվել էր առանց կյանքի ռիթմը խախտելու, ամեն բան համապատասխանում էր երկիրը պատրաստվածության բերելու անհրաժեշտ իրավիճակի կանոններին»,- նշել է նա եւ հավելել, որ իր ստացած դրական տպավորությունները ամրապնդվում են։