ՌԴ Խակասիայի Հանրապետության բնակչուհին շղթայել է ամուսնուն , ինչի հետեւանքով վերջինս մահացել է։ Հարցաքննության ընթացքում կինը խոստովանել է, որ հաճախ է ստիպված եղել կապել ամուսնուն, քանի որ նա վաճառում էր տան իրերը։
Ողբերգական դեպքի նախօրեին տղամարդը տանից տարել էր հեռուստացույցը եւ կնոջ ձմեռային իրերը։ Կինը խոստովանել է, որ դա վերջին կաթիլն էր։ Ինքը խանութում հատուկ երկաթյա շղթա էր գնել, որպեսզի թույլ չտա ամուսնուն վաճառել իրեն պատկանող իրերը։
«Նախնական վարկածի համաձայն՝ տղամարդը փորձել է վեր կենալ, սակայն անհաջող վայր է ընկել։ Կատարվածի պահին նա հարբած է եղել։ Տղամարդը շղթայակապ նստել է մի քանի ժամ։ Նա մահացել է երկաթե օղակներից խեղդվելուց։ Քրեական գործի նախաքննությունը շարունակվում է»,- մեջբերում է LifeNews-ը ՌԴ Խակասիայի Հանրապետության Քննչական կոմիտեի հայտարարությունը։
Մահացած տղամարդու մարմինը հայտնաբերել էր կինը եւ ոստիկանություն կանչել։ Կինը հայտնել է, որ զղջում է կատարվածի համար։ Նրան չհեռանալու մասին ստորագրությամբ ազատ են արձակել։