G 20 երկրների ղեկավարները պետք է միասնական քաղաքականություն վարեն գլոբալ տնտեսական ճգնաժամի հետեւանքների հաղթահարման համար։ Այս մասին G 20 ֆորումի գործնական շրջանակներում՝ B20-ում, ունեցած ելույթի ժամանակ հայտարարել է Թուրքիայի վարչապետ Ահմեդ Դավութօղլուն։
«Ամեն երկիր փորձում է ինքնուրույն լուծել իր խնդիրները, սակայն մեկուսի քաղաքականությունը այս իրավիճակում հաջողություն չի բերում։ Համաշխարհային առաջնորդները պետք է միավորվեն ճգնաժամի հետեւանքները հաղթահարելու համար միասնական քաղաքականություն մշակելու գործում»,- ասել է Դավութօղլուն։