ԵԱՀԿ ՄԽ համանախագահներին տեղյակ են պահել Ադրբեջանի հետ սահմանակից հայկական գյուղերում գնդակոծության հետեւանքով վիրավորված բնակիչների մասին։ Այս մասին «Շանթ 2015» զորավարժությունների շրջանակում լրագրողների հետ հանդիպման ժամանակ հայտարարել է Հայաստանի ԶՈւ Գլխավոր շտաբի պետի տեղակալ, ԼՂՀ պաշտպանության նախկին նախարար, գեներալ-լեյտենանտ Մովսես Հակոբյանը։

«ԵԱՀԿ-ն տեղյակ է վիրավորված խաղաղ բնակիչների մասին։ ՄԽ ամերիկացի համանախագահ Ջեյմս Ուորլիքը հայտնել է իր դիրքորոշումն այս հարցում՝ նշելով, որ նման վարքն անթույլատրելի է։ Մյուս համանախագահները դեռեւս հայտարարություն չեն արել, սակայն նրանք տեղյակ են»,- նշել է Մովսես Հակոբյանը։