Երևանի կենդանաբանական այգում այսօր՝ սեպտեմբերի 5-ին, անցկացվեց «Պաղպաղակի օր» ամենամյա միջոցառումը, որի ընթացքում այցելուները հնարավորություն ունեին պաղպաղակ գնելու՝ ընդամենը 50 դրամով, իսկ վաճառքից ստացված ամբողջ գումարը ուղղվելու է այգում բնակվող կենդանիների խնամքին ու նրանց պայմաների բարելավմանը։

Երեխաներին դիմավորում էին հեքիաթի հերոսներն ու կազմակերպում խաղ-մրցույթներ։

Միջոցառումն իրականացվում է արդեն հինգերորդ անգամ։ Մուտքը մինչև 16 տարեկանների համար անվճար էր։