Թուրքիայի նախագահ Ռեջեփ Թայիփ Էրդողանը Հաքքարի նահանգում PKK-ի եւ թուրք զինվորականների միջեւ արյունալի բախումից հետո սկանդալային հայտարարությամբ է հանդես եկել։
Թուրքական Sozcu պարբերականի փոխանցմամբ՝ ուղիղ եթերում խոսել է սեպտեմբերի 6-ին Հաքքարի նահանգի Դաղլըջայի շրջանում քուրդ զինյալների եւ թուրք զինվորականների միջեւ արյունալի բախումների մասին՝ հայտարարելով, որ եթե իմ կուսակցությանը 400 պատգամավորի ձայն տայիք, այսքան բանը չէր լինի։
Սոցկայքերում Էրդողանի այս հայտարարությունը երկիր արյան մեջ թաթախելու խոստովանություն են որակել։
Նշենք, որ չճշտված տեղեկություններով Դաղլըջայի շրջանում քուրդ զինյալները 37 թուրք զինվորական են սպանել։