Ղարաբաղյան հակամարտության կողմերը շահագրգռված չեն, որպեսզի այն դուրս գա վերահսկողությունից: Այս մասին NEWS.am-ի թղթակցի հետ զրույցում հայտարարեց Օքսֆորդի համալսարանի պրոֆեսոր, Հարավային Կովկասի գծով փորձագետ Նիլ ՄաքՖարլեյնը՝ մեկնաբանելով հայ-ադրբեջանական սահմանին եւ ղարաբաղա-ադրբեջանական շփման գծում վերջին բախումները:
Նա հիշեցրեց, որ ամռան վերջին լարվածությունն աճում է արդեն ոչ առաջին տարին: «Դա «նորմալ» է՝ հաշվի առնելով այն նշանակությունը, որը Հայաստանի եւ Ադրբեջանի համար հակամարտությունն ունի իշխանությունն օրինականացնելու համար»,- հայտարարեց նա:
Փորձագետները հավելեց, որ կողմերից յուրաքանչյուրն անհանգստանալու սեփական պատճառներն ունի: Նավթի գների տատանման պայմաններում Բաքուն դժվարություններ ունի բյուջեի եկամուտները պահպանելու հարցում: «Իսկ հայկական կառավարությունն ամառային անհանգստություններին բախվել է տնտեսական պատճառներով»,- հավելեց նա:
«Այդ պատճառով ոչ մեծ սրումն առավելություն ունի երկու կողմի համար էլ: Բայց, ինչպես հասկանում եմ, կողմերից ոչ մեկը շահագրգռված չէ իրավիճակը վերահսկողությունից դուրս բերելու հարցում: Մյուս կողմից՝ երբեմն դժվար է լինում լարվածությունը կառավարելի պահել»,- ընդգծեց փորձագետը:
Հիշեցնենք, որ Հայաստանի եւ Լեռնային Ղարաբաղի պաշտպանության նախարարների հայտարարության համաձայն, վերջին 2 տարիներին ադրբեջանական կողմն ավելի հաճախ է խախտում հրադադարի ռեժիմը: Արդյունքում երկու կողմերն էլ զոհեր ունեն: