Գերմանիայում բնակվող արմատական իսլամի ներկայացուցիչները սկսել են փախստականների շրջանում համախոհների հավաքագրել։ Այս մասին գրում է Rheinishe Post-ը՝ վկայակոչելով Գերմանիայի հակահետախուզության ներկայացուցչին։

Միաժամանակ նշվում է, որ հատուկ ծառայությունները փախստականների անվան տակ ահաբեկիչների՝ Եվրոպա ներթափանցման ապացույց չեն գտել։ Գերմանիայի Սահմանադրության պաշտպանության դաշնային գերատեսչության ղեկավար Հանս Գեորգ Մաասենը հայտարարել է, որ իր աշխատակիցները տեղի սալաֆի իսլամիստների կողմից Մերձավոր Արեւելքից ժամանած փախստականներին հավաքագրելու մի քանի փորձ են արձանագրել։

Իսլամիստները ներկայանում են որպես բարեգործական կազմակերպությունների ներկայացուցիչներ կամ կամավորներ, կապեր են հաստատում փախստականների հետ եւ փորձում են իրենց կողմը քաշել, գրում է Gazeta-ն։