Սեպտեմբերի 24-ին ՀՀ ՊՆ վարչական համալիրում տեղի է ունեցել պաշտպանության նախարար Սեյրան Օհանյանի հանդիպումը Հայաստանի Հանրապետությունում Բելառուսի Հանրապետության նորանշանակ արտակարգ եւ լիազոր դեսպան Իգոր Նազարուկի հետ:
Շնորհավորելով պաշտոնի ստանձնման կապակցությամբ՝ ՀՀ պաշտպանության նախարարը մաղթել է դեսպանին նորանոր հաջողություններ պատասխանատու առաքելության ընթացքում եւ վստահություն հայտնել, որ հայ-բելառուսական երկկողմ հարաբերությունները կշարունակեն արագընթաց զարգացումը համագործակցության տարաբնույթ ոլորտներում, այդ թվում նաեւ՝ պաշտպանական բնագավառում:
