Իրանի միջուկային ծրագրի շուրջ համաձայնություն կնքելով՝ աշխարհն ավելի ապահով կդառնա։ Այս մասին սեպտեմբերի 28-ին ՄԱԿ Գլխավոր Ասամբլեայի ելույթում հայտարարել է ԱՄՆ նախագահ Բարաք Օբաման։
Նախագահի խոսքով՝ ԱՄՆ-ը իր գործընկերների, այդ թվում՝ Ռուսաստանի հետ գործել է շատ բարդ բանակցություններում, որի արդյունքում համաձայնություն է ձեռք բերվել։ «Մեր աշխարհն ավելի անվտանգ կդառնա։ Միջուկային զենքի արգելքն ամրապնդվում է, պոտենցիալ պատերազմը կանխվել է. մեր աշխարհն ավելի ապահով է»,- ասել է Օբաման՝ հավելելով, որ դա օրինակ է այն բանի, թե ինչպես է միջազգային համակարգն աշխատում այնպես, ինչպես պետք է։