Տարեսկզբից Միջերկրական ծովով Եվրոպա է ժամանել 522 հազար 134 միգրանտ ու փախստական: Այս մասին Ժնևում հայտնել է Միգրացիայի հարցերով միջազգային կազմակերպությունը:
Ամենից շատ միգրանտ ու փախստական է ընդունել Հունաստանը՝ 388 հազար 324 մարդ: Իտալիա է ժամանել 130 հազար 891 մարդ: Հունաստան ժամանածների մեծ մասը սիրիացիներ են՝ 175 375 ու աֆղանցիներ՝ 50 177, իսկ Իտալիա ժամանածների մեծ մասը էրիտրեյցիներ են՝ 30 708 ու նիգերիացիներ՝ 15 113:
Միգրացիայի հարցերով միջազգային կազմակերպության տվյալներով, սեպտեմբերի 17-ից Եվրոպայում միգրանտների ու փախստականների թիվը ավելացել է գրեթե 49 հազարով, 2892 մարդ էլ ծովում է զոհվել, երբ փորձում էր հասնել Հին աշխարհ, հայտնում է «ՏԱՍՍ»-ը: