Վայոց ձորում այսօր՝ սեպտեմբերի 30-ին արջը հարձակվել է 56-ամյա Սաթենիկ Ադամյանի վրա վերջինիս այգում: Այս մասին NEWS.am-ի թղթակցի հետ զրույցում ասաց Եղեգանձորի բժշկական կենտրոնի տնօրեն Անահիտ Կարապետյանը՝ նշելով, որ կնոջ վիճակն այս պահին բավարար է:
«Գյուղացին իր այգում խնձոր եւ սերկեւիլ է քաղել, երբ հետեւից մռնչյուն է լսել, շրջվել է եւ տեսել, որ հետեւում հսկայական արջ է կանգնած: Արջը հարձակվել է կնոջ վրա, կծել նրան, ինչի հետեւանքով կինը գլորվել է ներքեւ եւ փրկվել արջի հետագա հարձակումից»,- ասաց Անահիտ Կարապետյանը:
Ավելի վաղ ՏԿԱԻՆ մամուլի ծառայությունը հայտնել էր, որ սեպտեմբերի 30-ին Վայոց ձորի մարզի Շատին գյուղի «Հոստուն» կոչվող տարածքում արջը հարձակվել է գյուղի բնակիչ` 56-ամյա Սաթենիկ Ադամյանի վրա: Տուժածը տեղափոխվել է Եղեգնաձոր քաղաքի ԲԿ, որտեղ բժիշկները տուժածի առողջական վիճակը գնահատել են բավարար: