Suzuki ընկերությունը հրապարակել է Ignis կոմպակտ քրոսովերի առաջին նկարները։ Ավտոարտադրողը 2000-ական թթ. Եվրոպայում եւ Ավստրալիայում այդ անվան տակ «բարձր» հեչբեքներ էր վաճառում։ Նորարարության հրապարակային շնորհանդեսը կկայանա հոկտեմբերի վերջին Տոկիոյի ավտոսրահում։
Այս տարվա մայիսին հայտնի էր դարձել, որ ընկերության ղեկավարությունը հավանություն է տվել փոքր քրոսովեր մշակելու նախագծին, որը կարող է մրցակցել օրինակ Fiat Panda 4x4-ի հետ։ Սեպտեմբերին այդ մոդելի թեստային նախատիպը նկատել էին ճանապարհային փորձարկումների ժամանակ, հայտնում է Motor-ը։
Մոդելի հիմքում դրված է նոր շասին, որի շնորհիվ մեքենան կլինի փոքր եւ կունենա ամուր կառուցվածք։ Ակնկալվում է, որ այն կունենա BoosterJet ընտանիքի 1 լ ծավալով բենզինե շարժիչ։