Մենք հակառակորդին կստիպենք հրաժարվել ուժի կիրառման մտադրություններից: Այս մասին այսօր՝ սեպտեմբերի 30-ին, ՀՀ-ում Ռուսաստանի դեսպան Իվան Վոլինկինի հետ հանդիպման ժամանակ նշել է Հայաստանի պաշտպանության նախարար Սեյրան Օհանյանը: Նա ներկայացրել է հայ-ադրբեջանական պետական սահմանին եւ ղարաբաղա-ադրբեջանական ուժերի շփման գծում ստեղծված իրավիճակը:
ՊՆ մամուլի ծառայությունից հայտնում են, որ Սեյրան Օհանյանը նշել է, որ վերջին օրերին ադրբեջանական կողմից իրադրության հետեւողական սրման, մեծ տրամաչափի զինատեսակների, մասնավորապես հրետանու կիրառման, խաղաղ բնակավայրերի հրետակոծման պայմաններում ՀՀ զինված ուժերին եւ ԼՂՀ պաշտպանական բանակին այլ բան չի մնում, քան դիմելու ռազմական եւ ռազմաքաղաքական այնպիսի գործողությունների, որոնք հակառակորդին կստիպեն հրաժարվել ուժի կիրառման մտադրություններից, կթոթափեն անպատժելիության եւ սեփական գերազանցության պատրանքը եւ նրան կվերադարձնեն խաղաղ բանակցային սեղանի շուրջ: