Մահացել է Թուրքիայի մի բնակիչ, որը 47 տարի հիվանդանոցում էր անցկացրել: Այս մասին հայտնում է Gazeta-ն ՝ վկայակոչելով The Guardian-ը:

Աբդուլա Կոզանը տառապում էր ասթմայից ու շաքարախտից ու առաջին անգամ հիվանդանոց էր ընկել 1968 թ., երբ զինծառայություն էր անցնում: Նա բողոքում էր ուժեղ գլխացավերից:

Հիվանդանոցի ղեկավարությունը տղամարդուն թույլ էր տալիս ապրել իր սենյակում, քանի որ «նա գնալու տեղ չուներ, նաեւ լավ էր վերաբերվում հիվանդանոցի անձնակազմին»:

Հիվանդանոցի աշխատակազմը Կոզանին որպես նոր հիվանդ էր գրանցում ամեն անգամ, երբ պետք էր լինում նրան դուրս գրել: