Ռուսաստանի երկու գործարաններում սեպտեմբերի 30-ին եւ հոկտեմբերի 1-ին պայթյուններ են որոտացել, կան զոհեր եւ վիրավորներ:
Սեպտեմբերի 30-ին պայթյուն է տեղի ունեցել Տամբովի վառոդի գործարանում: 600 քմ տարածքով մեկհարկանի շենքն ամբողջությամբ փլուզվել է: Պայթյունի հետեւանքով վիրավորվել է 4 մարդ, որոնցից մեկը հիվանդանոցի վերակենդանացման բաժանմունքում մահացել է: Աշխատակիցներից եւս մեկի մարմինը հայտնաբերվել է փլակատներից:
Հոկտեմբերի 1-ին պայթյուն է որոտացել Չելյաբինսկի մարզում «Կարաբաշմեդ» գործարանի արտադրամասերից մեկում: Տարբեր աստիճանի վնասվածքներ է ստացել առնվազն 10 մարդ: Նրանցից 4-ի վիճակը ծայրահեղ ծանր է, հաղորդում են ռուսական լրատվամիջոցները: