Ռուսաստանը չի ծրագրում ընդլայնել ավիահարվածների աշխարհագրությունը՝ հասնելով Իրաքի տարածք, մեզ այնտեղ չեն հրավիրել: Այս մասին ՄԱԿ-ում կայացած մամուլի ասուլիսում հայտարարել է ՌԴ ԱԳ նախարար Սերգեյ Լավրովը:
«Ո՛չ, մենք չենք ծրագրում ավիահարվածները հասցնել մինչեւ Իրաք: Մենք այնտեղ չենք հրավիրվել, մեզ չեն դիմել, եւ մենք, ինչպես գիտեք, հարգալից մարդիկ ենք, չենք գա, եթե մեզ չեն հրավիրել»,- նշել է ռուսաստանցի նախարարը:
ՌԻԱ Նովոստիի-ի փոխանցմամբ, Լավրովը նաեւ նշել է, որ Ռուսաստանն Իրաքի կառավարության միջոցով զենք է մատակարարում «Իսլամական պետություն» խմբավորման դեմ պայքարող քրդերին, նրանց ներկայացուցիչները Բաղդադում մասնակցում են տեղեկատվական կենտրոնի աշխատանքներին: «Մենք զենք ենք մատակարարում քրդերին: Նրանք ներկայացված են նաեւ Բաղդադում ստեղծված տեղեկատվական կենտրոնում, որում ներառված են Իրաքի, Սիրիայի, Իրանի, Ռուսաստանի զինվորականներ»: