Microsoft ընկերությունը Skype-ի համակարգչային տարբերակում ավելացրել է Skype Translator ակնթարթային թարգմանության հավելվածը, որը հասանելի կլինի Windows 7-ի, Windows 8-ի եւ Windows 10-ի օգտատերերի համար, գրում է Gazeta-ն՝ վկայակոչելով The Verge-ը։
Մեկ տարի առաջ Microsoft-ը Skype Translator-ը գործարկել էր Windows 8-ի համար։ Այժմ այդ գործառույթը կներառվի Skype-ի համակարգչային տարբերակում։ Թարգմանությունը կկատարվի 6 լեզուներով՝ անգլերեն, ֆրանսերեն, գերմաներեն, իտալերեն, իսպաներեն եւ չինարեն։ Skype-ը թույլ կտա զրուցել նրանցից յուրաքանչյուրով՝ չպահանջելով տարբերակել լեզուն։