Երկրորդ փուլի մասին դրույթը Սահմանադրության նոր նախագծից տեղափոխվել է Ընտրական օրենսգիրք: Այս մասին NEWS.am-ի թղթակցի հետ զրույցում ԱԺ ՀՀԿ խմբակցության քարտուղար Գագիկ Մելիքյանը:
«Սահմանադրական բարեփոխումների մասնագիտական հանձնաժողովը քննարկել է խմբակցությունների առաջարկությունները: Այս պահին չեմ կարող ասել, թե ինչ փոփոխություններ են կատարվել նախագծում: Կայուն մեծամասնության ու երկրորդ փուլին վերաբերող դրույթը տեղափոխվել է Ընտրական օրենսգիրք: Հոկտեմբերի 5-ին հանձնաժողովի անդամ, Ազգային ժողովում նախագահի ներկայացուցիչ Վարդան Պողոսյանը հատուկ կարգով կներկայացնի, թե որ առաջարկություններն են ընդունվել, որոնք՝ ոչ, ինչպես նաեւ կպատճառաբանի կայացրած որոշումները»,- ասաց Գագիկ Մելիքյանը:
Նրա խոսքով՝ ՀՀԿ-ի ներկայացրած 300 առաջարկություններից շատերն են ընդունվել:
Հիշեցնենք, որ հոկտեմբերի 5-ին ԱԺ նիստում կներկայացվի Սահմանադրական բարեփոխումների լրամշակված նախագիծը: