Հոկտեմբերի 2-ին Փարիզում Հայաստանի արտաքին գործերի նախարար Էդվարդ Նալբանդյանը հանդիպեց Ֆրանկոֆոնիայի միջազգային կազմակերպության գլխավոր քարտուղար Միկայել Ժանին:
Էդվարդ Նալբանդյանն ու Միկայել Ժանը մտքեր փոխանակեցին Երեւանում հոկտեմբերի 10-11-ը կայանալիք Ֆրանկոֆոնիայի միջազգային կազմակերպության նախարարական համաժողովի նախապատրաստական աշխատանքների, քննարկվելիք հարցերի եւ ընդունվելիք փաստաթղթերի վերաբերյալ։
Ողջունելով Հայաստանի արտգործնախարարին՝ ՖՄԿ գլխավոր քարտուղարը նշեց, որ անհամբերությամբ սպասում է Երեւանում կայանալիք բավականին հագեցած ծրագրով եւ բովանդակությամբ նախարարական համաժողովի անցկացմանը։
Նախարար Նալբանդյանն ընդգծեց, որ Հայաստանի համար մեծ պատիվ է հյուրընկալելու նման հեղինակավոր ներկայացուցչական համաժողով, եւ հայկական կողմն անում է առավելագույնը՝ այն բարձր մակարդակով անցկացնելու համար։
