Ադրբեջանի հետ սահմանակից Հայաստանի գյուղերի բնակիչները չեն ընկճվում հոգով, այլ իրենք էլ կարող են ցանկացածին ոգեշնչել: Այս մասին հոկտեմբերի 2-ին ՀՀԿ ԳՄ նիստից հետո լրագրողների հետ զրույցում հայտարարեց Հայաստանի ԱԺ փոխխոսնակ, ՀՀԿ մամուլի քարտուղար Էդուարդ Շարմազանովը:
«2 օր առաջ Տավուշի մարզում էի, հանդիպեցի Բերդավան գյուղի մեր հայրենակիցների հետ: Պետք է ասեմ, որ հիացած եմ: Նրանք ամուր կանգնած են իրենց հողի վրա եւ վճռական են երկիրը պաշտպանելու հարցում: Ես գնացել էի՝ նրանց սատարելու, բայց իրենց ամրացրին իմ ոգին»,- հայտարարեց ԱԺ փոխխոսնակը:
Շարմազանովը հավելեց, որ Հայաստանի իշխանությունները կանեն ամեն ինչ, որպեսզի սահմանամերձ գյուղերի յուրաքանչյուր բնակչի խնդիր լուծում ստանա:
