Վատիկանը բացասաբար է արձագանքել Վատիկանի Դավանաբանության կոնգրեգացիայում աշխատող լեհ հոգեւորական Քշիշտոֆ Հարամսայի հայտարարությանը, որում նա խոստովանել է, որ նույնասեռական է, հաղորդում է Gazeta-ն՝ վկայակոչելով Agence France-Presse-ին:
Հռոմի Ֆրացիսկոս Պապի ներկայացուցիչը հայտարարել է, որ Հարամսայի կողմից դա «լուրջ եւ անպատասխանատու» քայլ էր:
42-ամյա Հարամսան հոգեւորական է դարձել 18 տարեկանում: Այժմ նա զբաղեցնում է Միջազգային ժաստվածաբանական հանձնաժողովի երկրորդ քարտուղարի պաշտոնը:
Հոգեւորականը պատմել է, որ այլեւս չի կարող ապրել երկակի կյանքով եւ Եկեղեցուց պահանջել է լուրջ վերաբերվել նույնասեռականներին` ազատվելով նախապաշարմունքներից: Նա նաեւ պահանջել է չեղյալ համարել ամուսնության բնույթի վերաբերյալ կաթոլիկ ուսմունքի որոշ փաստաթղթեր, այդ թվում՝ Կատեխիզիսի մի քանի կետ: