2013թ. նոյեմբերին Չարենցավանի թիվ 2 փոստային բաժանմունքում Ֆրանսիայից ծանրոց է ուղարկվել՝ Ժորա Ոսկանյանի անունով: Ոստիկանների խուզարկության արդյունքում ծանրոցի մեջ հայտնաբերվել է թմրամիջոց: Օպերատիվ աշխատանքների արդյունքում պարզվել է, որ Ժորա Ոսկանյանին թմրամիջոցն ուղարկել է նրա ընկերը՝ Արամ Նազարյանը, որը նախկինում եղել է դատապարտված գողության, ավազակային հարձակման, անձի առևանգման ու շորթման համար:
2014թ. հոկտեմբերի 5-ին Ֆրանսիայի իրավապահ մարմինները հայտնաբերել և ձերբակալել են Արամ Նազարյանին, որից հետո 2015թ. սեպտեմբերի 7-ին Ֆրանսիայում Ինտերպոլի ազգային կենտրոնական բյուրոյից տեղեկատվություն է ստացվել, որ Արամ Նազարյանի արտահանձնումը Հայաստանի իրավապահներին հաստատվել է: Սեպտեմբերի 26-ին Արամ Նազարյանը տեղափոխվել է Հայաստան:
Արամ Նազարյանը ձերբակալված է:
Մանրամասները ոստիկանության պատրաստած տեսանյութում: