Կալիֆորնիական Թուոլոմնի քաղաքում դպրոցի վրա զինված հարձակում նախապատրաստելու կասկածանքով 4 դեռահասի են ձերբակալել: Այս մասին գրում է ՏԱՍՍ գործակալությունը՝ վկայակոչելով տեղի ոստիկանության աղբյուրին:
Սեպտեմբերի վերջին դպրոցի աշխատակիցները դիմել են իրավապահներին՝ պնդելով, որ մի քանի աշակերտներ հարձակում են նախապատրաստում ուսուցիչների եւ դպրոցականների դեմ: Ոստիկանության հետաքննության արդյունքում պարզվել է, որ 4 դեռահասներ ուսուցիչների ու դպրոցականների ցուցակ են կազմել՝ նրանց դեմ զինված հարձակում իրականացնելու համար:
Աշակերտների անունները չեն հրապարակվում: Նշվում է, որ նրանք չեն հասցրել որեւէ գործողություն իրականացրել:
