ԱՄՆ նախագահի թեկածու Դոնալդ Թրամփը հերթական աղմկահարույց հայտարարությունն է արել: Անդրադառնալով Օրեգոն նահանգի Ռոզբերգ քաղաքում օրերս տեղի ունեցած արյունալի ողբերգությանը՝ 69-ամյա միլիարդատերը կոչ է արել զինել մանկավարժներին:
Հիշեցնենք, որ հոկտեմբերի 1-ին Ռոզբերգի ուսումնական հաստատություններից մեկում 26-ամյա Քրիս Հարփեր-Մերսերի արձակած կրակոցների հետեւանքով 9 մարդ էր մահացել, նույնքանն էլ՝ վիրավորվել:
Ավելի վաղ Դոնալդ Թրամփը հայտարարել էր նաեւ, որ ԱՄՆ-ում հասարակական վայրերում հրաձգության հաճախակի դեպքերի պատճառը հոգեկան առողջության հետ կապված խնդիրներն են, այլ ոչ թե զենք կրելու թույլտվությունը:
