Քիշնեւում ցուցարարները ճեղքել են ոստիկանների շղթան եւ մոտեցել գործարար Վլադիմիր Պլախոտնյուկի գրասենյակի շենքին՝ Global Business Centre-ին:
Մոլդովական Deschide Stirea պարբերականի փոխանցմամբ, ոստիկանների եւ ցուցարարների միջեւ ծեծկռտուք է սկսվել:
Ցուցարարների առաջնորդներից Անդրեյ Նեստասեն փորձել է սթափեցնել հավաքվածներին. «Պլախոտնյուկն այստեղ չէ: Մենք ոչնչի չենք հասնի, եթե փորձենք ավերել շենքը»:
Գրասենյակային կենտրոնին ոստիկանության նոր ուժեր են մոտենում: Ցուցարարները որոշել են վերադառնալ Ազգային ժողովի հրապարակ: