Չինաստանի Գուանդուն նահանգում «Մուչժիգե» թայֆունի (չինական անվանումը՝ «Ցայհուն») հետեւանքով մահացել է 6 մարդ, եւս 215-ը տարբեր աստիճանի վնասվածք է ստացել: Նահանգի իշխանությունները անհապաղ տարհանել են 30 հազար մարդու: Տեղի լրատվամիջոցների փոխանցմամբ, «Մուչժիգեն» ամենաավերիչ թայֆունն է 1959 թվականից ի վեր:
Հոկտեմբերի 4-ի երեկոյան մոտ 410 հազար ընտանիքներ մնացել են առանց էլեկտրականության, եւս 480 հազարը՝ առանց ջրի: Գիշերվա ընթացքում կոմունալ ծառայությունների աշխատակիցները վերականգնել են ջրի ու էլեկտրաէներգիայի մատակարարումն ամբողջական ծավալով, հաղորդում է ՏԱՍՍ-ը:
