Հոկտեմբերի 4-ի երեկոյի դրությամբ Սանտա-Կատարինա-Պինուլա քաղաքում տների փլատակների տակից հանված դիերի թիվը հասել է 131-ի, հայտնել է Գվատեմալայի գլխավոր դատախազությունը: Անհետ կորածների թիվը կազմել է մոտավորապես 300 մարդ:
Փրկարարները նշում են, որ փլատակների տակից ողջ մարդ գտնելու հույսը ժամ առ ժամ նվազում է, հայտնում է «ՌԻԱ Նովոստին»:
Ողբերգությունը տեղի է ունեցել հոկտեմբերի 1-ին, երբ քաղաքի թաղամասերից մեկի վրա հազարավոր տոննա հող ու քար է թափվել մոտակա բլրից: Սողանքի հետեւանքով փլուզվել ու հողի տակ է մնացել 125 տուն:
