Մոսկվայի բանկը Ռուսաստանի արբիտրաժային դատարան հայց է ներկայացրել Չերքիզյան շուկայի նախկին սեփականատեր, ԱՍՏ խմբի հիմնադիր Տելման Իսմայիլովին սնանկ ճանաչելու մասին։
Ինչպես ասվում է հոկտեմբերի 1-ին Մոսկվայի արբիտրաժային դատարան ներկայացված փաստաթղթում, 2012թ. սեպտեմբերից 2014թ. փետրվարը բանկը «Ռուսլայն 2000» ՍՊԸ-ին եւ հոլանդական Tropicano Finance B.V.-ին 230 մլն դոլարի չափով երեք վարկ է տրամադրել։ Երկու ընկերություններն էլ կապված էին ԱՍՏ խմբի հետ, իսկ Իսմայիլովը անձամբ է երաշխավորագրեր տվել վարկը սահմանված ժամկետում հետ վերադարձնելու մասին։
Հայցից պարզ է դառնում, որ ո՛չ տոկոսը, ո՛չ հիմնական պարտքը չեն վճարվել։ Արդյունքում Իսմայիլովի ընդհանուր պարտքը կազմել է 286.4 մլն դոլար։
Գործարարը այս կապակցությամբ դեռեւս մեկնաբանություններ չի տվել, գրում է «Կոմերսանտը»։