«ՅուՏեյր» ավիաընկերությունը սկսել է փոխադրել «Տրանսաերոյի» ուղեւորներին։ Այս մասին հայտարարել է ընկերության գլխավոր տնօրեն Անդրեյ Մարտիրոսովը։
«Մենք արդեն մեկ շաբաթ է ընդունում ենք «Տրանսաերոյի» ուղեւորներին։ «Տրանսաերոն» չեղարկում է թռիչքները, մենք փոխանցման կարգադրությամբ ընդունում ենք ուղեւորներին։ Դեռեւս փոխադրում ենք իրավիճակի վերահսկողությունը չկորցնելու նպատակով, առանց որեւէ պայմանների»,- ասել է Մարտիրոսովը։
Ընդ որում, «ՅուՏեյրը» ենթադրում է, որ Դաշնային հակամենաշնորհային ծառայությունը հավանություն չի տա «Տրանսաերոյի» բոլոր չվերթները «Աերոֆլոտին» փոխանցելուն, ասել է Մարտիրոսովը։
Ավելի վաղ ՏԱՍՍ-ը, վկայակոչելով ավիացիոն շրջանակներում իր աղբյուրները, հայտնում էր, որ «Աերոֆլոտը» պատրաստվում է ինքնուրույն փոխադրել «Տրանսաերոյի» բոլոր ուղեւորներին, որպեսզի հետո ստանա միջազգային ուղիներում նրա բոլոր իրավունքները։
«Հիմա ամենագլխավոր հարցն այն է, թե «Տրանսաերոյի» բոլոր երթուղիները կբաշխվեն ավիաընկերությունների միջեւ, թե ուղղակի կփոխանցվեն «Աերոֆլոտին» ,- ասել է Մարտիրոսովը։