Ռուսաստանի Դաշնային հակամենաշնորհային ծառայությունը (ԴՀԾ) Google-ին պարտավորեցրել է մինչեւ հոկտեմբերի 18-ը վերացնել «Մրցակցության պաշտպանության մասին» օրենքի՝ Android-ի օպերացիոն համակարգի հավելվածների շուկայում գերիշխող դիրքի չարաշահման մասով խախտումը:
Google-ը պետք է համաձայնագրերից բացառի հակամենաշնորհային պահանջները, որոնք սահմանափակում են այլ մշակողների հավելվածների եւ ծառայությունների տեղադրումը: Այս մասին ասված է ծառայության հաղորդագրությունում:
Արդյունքում հավելվածներ մշակողները հնարավորություն կունենան Android բջջային սարքավորումներում տեղադրել իրենց ծրագրային ապահովումները:
Ըստ Ինտերֆաքս-ի, ԴՀԾ հաղորդագրության համաձայն, օգտատերերը կտեղեկացվեն Google-ի կավելվածների ապաակտիվացման, Google Chrome-ի որոնողական համակարգում փոփոխությունների, GMS փաթեթում ներառված այլ հավելվածների տեղադրման մասին:
