Անկախ Եվրասիական տնտեսական միությանն անդամակցելուց՝ տնտեսական վիճակը Հայաստանում վատթարացել է։ Այս մասին NEWS.am-ի թղթակցի հետ զրույցում ասաց ԱԺ ՀՀԿ խմբակցության պատգամավոր, «Սովրանո» ընկերության սեփականատեր Արման Սահակյանը՝ պատասխանելով հարցին, թե ԵՏՄ-ին անդամակցելն ինչպես է ազդել իր ընտանիքին պատկանող բիզնեսի վրա։
«Ինձ թվում է՝ շատ-շատ ձեռնարկություններ, որոնք զբաղվում են գործարարությամբ, կփաստեն, որ տնտեսական վիճակը վատթարացել է»,- ասաց Արման Սահակյանը։
Հարցին, թե Ուկրաինայում տիրող իրավիճակն ինչպես է ազդում իր ընկերության գործունեության վրա, գործարար պատգամավորը պատասխանեց «Սկզբունքորեն չի ազդում, սակայն ընդհանուր առմամբ վիճակը վատացել է, բոլորն էլ գիտեն դրա մասին»։
Հիշեցնենք, որ Արման Սահակյանն ապրանք է ներմուծում նաեւ Ուկրաինայից: