Մարդու իրավունքների եվրոպական դատարանն այս տարվա սեպտեմբերի 15-ին առաջին անգամ քննարկելու է հայկական ընտանիքի հայցն ընդդեմ Ադրբեջանի: Այս մասին ասված է «Կալիֆորնիա կուրիեր» թերթի հրատարակիչ եւ խմբագիր Հարութ Սասունյանի հոդվածում:
Հյուսիսային Արցախի Շահումյանի շրջանի Գյուլիստան գյուղի նախկին բնակիչ Մինաս Սագսյանը 2006-ի օգոստոսի 11-ին հայց է ներկայացրել ընդդեմ Ադրբեջանի` իր տունն ավիրելու եւ իր ընտանիքին սեփական տնից բռնի տեղահանելու փաստի առնչությամբ: Հայցում նա նշել է, որ հիմա իր տանը ուրիշ մարդ է ապրում, ամենայն հավանականությամբ, ադրբեջանցի: Մեկ տարի առաջ Սարգսյանը մահացել է, սակայն նրա այրին եւ երկու երեխաները շարունակում են հետեւել դատական գործին:
Սարգսյանի հայցում, մասնավորապես, ընդգծվում է, որ իրեն զրկել են իր սեփականությունն օգտագորելու իրավունքից, անձնական ու ընտանեկան կյանքից, որ Ադրբեջանի որոշ հատվածներում ոչնչացվել են հայկական գերեզմանները, որ հայերին բռնի տեղահանել են, զրկելով նրանց իրավական պաշտպանության միջոցների դիմելու իրավունքից, խտրականություն են իրականացրել ազգային եւ կրոնական հողի վրա, ինչպես նաեւ Ադրբեջանն անգործություն է ցուցաբերել հայերի նկատմամբ բռնության փաստերի նկատմամբ:
Հատկանշական է, որ նույն օրը Եվրոպական դատարանը քննելու է եւս մեկ նամանտիպ հայց, սակայն այս դեպքում հայցը ադրբեջանցիների խմբի կողմից է` ընդդեմ Հայաստանի (Չիրագովը եւ մյուսներն ընդդեմ Հայաստանի): Այս դատական լսումներին կարելի է հետեւել Online ռեժիմով, այցելելով www.echr.coe.int/echr կայք:
