Երեւանում, Գյումրիում ու Վանաձորում կանցկացվի «Ռուսաստանում սովորելու ժամանակն է» ամենամյա օլիմպիադան:
Ինչպես հայտնում է «Ռոսսոտրուդնիչեստվայի» մամուլի ծառայությունը, Օլիմպիադայիմ կամավոր հիմունքներով մասնակցելու են Հայաստանի դպրոցականները ու ուսանողները: Օլիմպիադան բաղկացած է լինելու երկու փուլից՝ տեղեկատվական ու ընտրական: Տեղեկատվական փուլի ընթացքում կներկայացվեն նախագծին մասնակցող բուհերը, նաեւ Ռուսաստանում բարձրագույն կրթություն ստանալու հնարավորությունները՝ այդ թվում ՌԴ դաշնային բյուջեի միջոցների հաշվին:
Ընտրական փուլը ներառում է մաթեմատիկայի թեստեր: Թեստերը պարունակելու են առաջադրանքներ, որոնք կազմվել են ռուսական միջնակարգ կրթության հանրակրթական ծրագրերի հիման վրա: Օլիմպիադայի հաղթողները հնարավորություն կստանան Ռուսաստանում սովորել բակալավրիատի ու մագիստրատուրայի ծրագրերով՝ դաշնային բյուջեի միջոցների հաշվին: Օլիմպիադայի միջոցառումների ընթացքում դպրոցականները ու նրանց ծնողները կկարողանան ծանոթանալ Ռուսաստանի դաշնության բուհերում սովորելու համար պահանջվող փաստաթղթերի պատրաստման կարգին ու ժամկետներին, նաեւ անձամբ հանդիպել ռուսական բուհերի ներկայացուցիչների հետ:
Օլիմպիադան կանցնի Երեւանի պետական համալսարանին կից Ա. Շահինյանի անվան ֆիզիկամաթեմատիկական հատուկ դպրոցում, Ազատության պողոտա, տուն 9 (հոկտեմբերի 24-ին՝ ժամը 12-13ը) Գյումրիի Ֆոտոն վարժարանում, Չարենցի փողոց, տուն 12/1 (հոկտեմբերի 15-ին, ժամը 14-15ը ):