Porsche-ի նոր մեքենաներում՝ 911 Carrera-ում եւ 911 Carrera S-ում, Android Auto-ի փոխարեն կգործի Apple CarPlay համակարգ։ Այս մասին հայտնում է Gazeta-ն՝ վկայակոչելով Apple Insider-ը։
Apple CarPlay-ն ու Android Auto-ն կապվում են iOS կամ Android բազայով սմարթֆոնների հետ, ինչը մեքենայի մուլտիմեդիայի համակարգի համար բազմաթիվ գործառույթներ է ապահովում։ Սակայն Porsche-ի մասնագետները նախընտրություն են տվել Apple-ին, քանի որ CarPlay-ը մեքենայի մասին ավելի քիչ տեղեկություններ է հավաքում, քան Android-ը։
Պարբերականի հաղորդմամբ՝ Android Auto-ի աշխատանքի համար տեղեկություններ են անհրաժեշտ մեքենայի արագության, շարժիչի պտույտների, հեղուկի ջերմաստիճանի մասին, մինչդեռ Apple CarPlay-ը պահանջում է տեղեկություն միայն այն մասին, թե մեքենան ընթացքի մեջ է գտնվում, թե ոչ։