ԱՄՆ Իլինոյսի նահանգի բնակիչ Ջեն Մաքմյուլերը իր բանջարանոցում աճեցրել է աշխարհամասի ամենամեծ դդումը։ Այն կշռում է 2.145.5 ֆունտ կամ 973 կգ, ինչը համարժեք է փոքր մեքենաների քաշին։ Հարցին, թե ինչպես է նա աճեցրել այդ դդումը, Ջենը պատասխանել է, որ ինքը առանձնահատուկ ոչինչ չի արել, դդումն աճել է ինքն իրեն, պատահաբար։ Անցյալ տարի Ջենը մասնակցում էր բերքի փառատոնին, որտեղ ներկայացրել էր 2 անգամ ավելի փոքր դդում, գրում է Kedem-ը։
«Գինեսի ռեկորդների գրքում» գրանցված աշխարհի ամենամեծ դդումը աճեցվել էր 2014թ. Շվեյցարիայում եւ կշռում էր 1054 կգ։
