ԵԽԽՎ-ում Հայաստանի պատվիրակությունը պաշտպանել է Բաքվի խավիարային դիվանագիտության դեմ հայտարարության նոր նախագիծը։ Այս մասին հոկտեմբերի 6-ին ՀՀ խորհրդարանում լրագրողներին ասել է Եվրոպայի խորհրդի խորհրդարանական վեհաժողովում Հայաստանի պատվիրակության անդամ Նաիրա Կարապետյանը՝ մեկնաբանելով սեպտեմբերի 29-ից հոկտեմբերի 3-ը կայացած ԵԽԽՎ աշնանային նստաշրջանի արդյունքները։
Հայաստանն պաշտպանել է հայտարարության նախագիծը, որը ԵԽԽՎ պատվիրակության անդամներին պարտավորեցնում է հայտարարագրել 100 եվրոյից թանկ նվերները, որոնք նրանք ստանում են Վեհաժողովի մանդատի ներքո ճանապարհորդելիս։
«Թե ինչ կոնտեքստ նկատի ունի Հայաստանը, միանգամայն հասկանալի է։ Դա փորձ է հակազդել Բաքվի խավիարային դիվանագիտությանը եւ եվրոպացի պատգամավորներին նվերներ տալուն, որոնք դրա դիմաց պատրաստ են ստորագրել ցանկացած հակահայկական փաստաթղթի տակ»,- ասել է նա։
