Դիարբեքիր նահանգի Սիլվան քաղաքում ոստիկանները սպանել են 17-ամյա Վեդաթ Աքչանըմին եւ նրա մերկ մարմինը կապելով զրահամեքենային՝ քարշ տվել փողոցներով։
Քրդական DIHA գործակալության փոխանցմամբ՝ Սիլվանում, որտեղ փողոց դուրս գալու արգելքի 4-օրյա ժամանակահատվածում ոստիկանական հարձակումներ էին տեղի ունենում խաղաղ բնակչության դեմ, հերթական սարսափելի դեպքի մասին է հայտնի դարձել։
Սիլվանի Քոնաք թաղամասում ոստիկաններն սպանել են 17-ամյա տղային, մերկ մարմինը կապել զրահամեքենային եւ քարշ տվել փողոցներով։
Ականատեսներից Սադիյե Դուրաքը պնդել է, թե տեսել է, որ Աքչանըմի դին զրահամեքենայով քարշ են տալիս փողոցով, իսկ մեկ այլ ականատես՝ Սաբրիյե Մուղջուն նշել է, թե երբ զրահամեքենան իրենց տան մոտով անցել է, ինքը տեսել է, որ վզին շղթա գցած, մերկ տղայի դին կապված էր զրահամեքենայի հետեից։
Նշենք, որ այս դեպքից օրեր առաջ էլ Շրնաքում թուրք ոստիկաններն սպանել էին 24-ամյա քուրդ երիտասարդին եւ նրա դին փողոցներով քարշ տվել ոստիկանական մեքենայից կապած։ Ոստիկանները դիակը քարշ տալը նկարահանել են, որի ժամանակ ամենավերջին հայհոյանքներ են տեղում սպանվածի հասցեին։