Թուրքիայի Էրզրում նահանգի ավտոճանապարհներից մեկին կից դաշտում անդամախեղված սատկած արջը դարձել է ճանապարհով անցնողների հետաքրքրության առարկան։
Թուրքական BirGun պարբերականի փոխանցմամբ՝ Էրզրումից դեպի Աշքալե գնացող ճանապարհին կից դաշտում սատկած արջի հետ «սելֆի» անելու համար հերթ է գոյացել։ Դեռեւս անհայտ պատճառով սատկած արջի 4 ոտքերն էլ անհայտ անձիք կտրել տարել են։
Աչքի է ընկել այն հանգամանքը, որ բազմաթիվ ծնողներ իրենց երեխաների հետ սիրով «սելֆի» են արել սատկած արջի հետ։