Հայաստանի կիսաօլիգարխիկ տնտեսությունում ներդրումների չափը հասել է սահմանագծին: Այս մասին հոկտեմբերի 6-ին խորհրդարանում հայտարարեց «Բարգավաճ Հայաստան» խմբակցության պատգամավոր Միքայել Մելքումյանը: Ըստ նրա, այս պայմաններում կապիտալի տերերը՝ խոշոր գործարարները, ավելի շատ նախընտրում են կապիտալը դուրս բերել, քան Հայաստանի ներսում ներդնել:
«Մեր տնտեսությունը 65-70%-ով կազմված է խոշոր հոլդինգներից: Դրանց սեփականատերերին ձեռնտու չէ մեր տնտեսության պայմանները, նրանք չեն ցանկանում նոր բիզնեսում ներդրումներ անել: Իսկ վարկ վերցրած ձեռնարկությունները շրջանառու միջոցներ չունեն՝ նոր վարկեր վերցնելու համար: Ահա այսպիսի համակարգային խնդիրների է հանգեցրել ներկա տնտեսական կառուցվածքը»,- հայտարարեց Մելքումյանը:
Հայաստանի Կենտրոնական բանկի փոխնախագահ Ներսես Երիցյանը, սակայն, համամիտ չէ, որ վերջին մի քանի տարիներին վարկերի եւ ՀՆԱ-ի հարաբերակցությունը տարեկան շուրջ երեք տասնյակ տոկոսով աճել է՝ ներկայում հասնելով ՀՆԱ-ի 60-65%-ի: «Հետեւաբար, ավելի շատ նոր ձեռներեցներ են պատրաստ նոր ռիսկեր ստանձնել ու վարկեր վերցնել՝ զարգանալու համար»,- նշեց Երիցյանը: